സ്നേഹത്തിന്റെ നിറം നീലയാണെന്നമ്മപറഞ്ഞു
ആകാശത്ത് അലയുന്നത് സ്വപ്നങ്ങളാണെന്ന് മുത്തശ്ശിയും
ആകാശത്ത് തിളങ്ങുന്നതാത്മക്കളാണെന്നാരോ
ആകാശത്തിന്നതിര് അനന്തനീലിമയെന്ന് പക്ഷികള്‍
ആകാശമെനിക്കെന്നും നിത്യവിസ്മയമായിരുന്നു
ആകാശത്തിന്റെ അതിരുതേടുന്ന പക്ഷിയാണുഞാന്‍
ആകാശമേഘങ്ങളുടെ അക്ഷരസന്ദേശങ്ങള്‍ കാത്തിരിക്കുന്നവന്‍
ആകാശത്തിലലയുന്ന വെറുമൊരു അവധൂതമേഘസ്വരൂപം
തുറക്കുന്നു ഞാനീ ആകാശജാലകം
ഏല്ലാം കാണാന്‍ , ഏല്ലാം അറിയാന്‍
തിരയുന്നു ഞാനീ ആകാശസൗഹ്രദം
ഏല്ലാം പറയാന്‍ , ഏല്ലാം കേള്‍ക്കാന്‍
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ